Këngëtarja shqiptare me famë botërore, Bebe Rexha, përjetoi një incident së fundmi me kompaninë e fluturimit ‘Lufthansa’ në Aeroportin e Mynihut, në Gjermani.

Ajo u ndalua nga agjenti i sigurimit të aeroplanit veçse i kishte folur në gjuhën shqipe, duke menduar se ishte shqiptar.

Artistja publikoi disa video në InstaStory, ku shihej duke qarë me të madhe në aeroport.

Biondja tani ka treguar se ka arritur në shtëpi mirë dhe sigurt, pasi kishte edhe frikë.

“Faleminderit të gjithëve që më dërguan mesazhe dhe treguat shqetësim për mua. Mbërrita në shtëpi e sigurt, Faleminderit zotit”, u shpreh ajo.

Theksojmë që 34-vjeçarja ka qenë në Riad të Arabisë Saudite, pasi ka qenë e ftuar për të performuar në festivalin ‘MDL Beast’, dhe ishte në rrugën e saj duke u kthyer për në shtëpi, në Los Angeles.

Bebe para një muaji ka qenë edhe në Kosovë, Shqipëri si dhe ka vizituar vendlindjen e saj, Dibrën pas 12 viteve. /Telegrafi/